近來心情時起時伏,導致我荷爾蒙分泌失調,只要遇上稍為不如意之事,必然破口大罵,即使樣貌娟好的少艾亦不例外。 有一天的早上,我和妹子如常到大型連鎖快餐店「珊瑚咖啡」吃早餐然後才上班。有個收銀員實在令我惱怒。
收﹕「早晨,想食啲也﹖」 震﹕「吞拿魚三文治…」 收﹕「飲乜嘢﹖」當我仲未講完,佢就已經搶先問我。 震﹕「加多個麥皮。」 收﹕「飲乜嘢﹖」 震﹕「熱奶茶…」 收﹕「喺度食定係拎走﹖」又一次,我仲未講完,佢又搶住嚟問。 震﹕「加多杯熱奶茶。」 收﹕「25蚊丫多謝。」 之後我就用八達通「嘟」咗之後,佢先同我講﹕ 收﹕「三文治要等喎。」
我聽完之後,突然無名火起三千丈。在這人人趕住返工之時,分秒必爭。平時我已經例遲,佢竟然仲要我等!是可忍,孰不可忍﹖所以,我隨即向佢發炮﹕
震﹕「你成日爭住講,呢樣你又唔早啲同我講﹖」 收﹕「呀…唔好意思。」佢平時流利之口舌,頓時為之語塞。 震﹕「咁要等幾耐﹖!」我提高聲調地問。 收﹕「等幾分鐘啦。」 震﹕「…唉,算啦。」
就咁樣,我無奈的浪費了幾分鐘走去等我件三文治。從此,我買早餐都唔再搵呢個收銀員。 ***************************************************
以下一段對白,乃阿震在一程往油塘之地鐵途中,坐在我身旁的一對男女。該男子頭髮蓬鬆,面頷留有長度不一之鬚根,身上帶有陣陣狐妖之臭味,鼻孔朝天而又帶有幾根鼻毛外露。而該女子身高約五呎差一吋,眼如大棗,耳如碟形衞星般兜風。以下是他們的部份對白。
男﹕「靚女(﹖!),我地今晚去邊度食飯﹖」 女﹕「唔(帶有幾分嬌嗲之氣)…你話事啦。」 男﹕「不如我哋去食家鄉雞丫!」 女﹕「咁肥,想鋤肥我哉﹖」 男﹕「挑!有幾肥呀你﹖」 女﹕「你仲好講,當初又係你要我減肥,家下我話怕肥,你又話我!」 男﹕「咁點同啫,嗰時你成百X二百幾…」 女﹕「你去死啦你,邊有咁重呀…頂多咪百三。」 男﹕「…咪係囉,你家吓連90磅都唔知有冇,拖你好似拖住副骷髏骨行街咁。」 女﹕「妖!你把口真係賤!」 男﹕「喂,你第一日識我呀﹖我一嬲都係咁架啦!有嗰句講嗰句啫。」
最後,該對男女於觀塘落車,往apm方向前進。而我卻在心裏暗暗咒罵,皆因擾我清夢也。
|
0 Comments:
Post a Comment
<< Home